Divisional Secretariat - Hambantota

හම්බන්තොට ප්‍රා‍දේශීය ලේකම් කාර්යාලයේ අවුරුදු උත්සවය 2025.05.09 වන දින ප්‍රාදේශීය ලේකම් කාර්යාල පරීශ්‍රයේ දී  උත්කර්ෂවත් අන්දමින් පැවැත්විණි.

මෙහි සමාරම්භක අවස්ථාව සඳහා හම්බන්තොට දිස්ත්‍රික් ලේකම් බිමල් ඉන්ද්‍රජිත් ද සිල්වා මහතා හා අතිරේක දිස්ත්‍රික් ලේකම් (ඉඩම්) චන්දන රත්නායක මහතා සහභාගි වූ අතර මෙම අවස්ථාව ප්‍රාදේශීය ලේකම් ජී.සී.ආර්. විජේවර්ධන මහත්මියගේ ප්‍රධානත්වයෙන් හා කාර්යාලීය නිලධාරින්ගේ සහභාගිත්වයෙන් පැවැත්විණි.

තවද මෙම අවස්ථාව සාර්ථක කර ගැනීම සඳහා සහයෝගය දැක්වු සියලු දෙනාට ස්තූතිය පුද කරමි.

~ ~  ඩිජිටල් ක්‍රමය යටතේ ජාතික උප්පැන්න සහතික නිකුත් කිරීම  ~ ~

ඩිජිටල් ක්‍රමයට ජාතික උප්පැන්න සහතික නිකුත් කිරීමේ සමාරම්භක වැඩසටහන  2025.04.01 දින හම්බන්තොට  ප්‍රාදේශීය ප්‍රාදේශීය ලේකම් කාර්යාලයේදී පැවැත්විණි.

මෙම සමාරම්භක වැඩසටහන  සඳහා හම්බන්තොට දිස්ත්‍රික් ලේකම් බිමල් ඉන්ද්‍රජිත් ද සිල්වා මහතා, අතිරේක දිස්ත්‍රික් ලේකම්(පාලන) - එම්.කේ.ඒ. අංජලා අමාලි මහත්මිය, අතිරේක දිස්ත්‍රික් ලේකම්(ඉඩම්) - ඩබ්.සි.ඒස්.කේ. රත්නායක මහතා, හම්බන්තොට ප්‍රාදේශීය ලේකම් - ජී.සී.ආර්. විජේවර්ධන මහත්මිය, පරිපාලන නිලධාරී තුමිය ඇතුළු හම්බන්තොට ප්‍රාදේශීය ලේකම් කාර්යාලයේ නිලධාරීන්, ගාල්ල කලාපයේ රෙජිස්ට්‍රාර් තුමිය හා  අනෙකුත් නිලධාරින්  සහභාගී විය.

මුල් වටයේදී  2021 වසරේ ජනවාරි මස පළමුවැනිදා සිට උපන් දරුවන්ට ජාතික උප්පැන්න සහතිකය ලබාගැනීමේ අවස්තාව හිමිවේ.       

මෙම ඩිජිටල් ජාතික උප්පැන්න සහතිකය සම්ප්‍රදායික කඩදාසි සහතිකයට වඩා නවීන, සුරක්ෂිත ලේඛනයකි. එමෙන්ම විදේශ ගමන් හා නීතිමය කටයුතු සඳහා ජාත්‍යන්තරමය වශයෙන් භාවිතයට වඩාත් සුදුසු වේ. තවද සිංහල හා ඉංග්‍රීසි හෝ දෙමළ හා ඉංග්‍රීසි යන භාෂා මගින් සහතිකය ලබා ගැනීමට හැකිවීම තුළින් උප්පැන්න සහතික වෙනම පරිවර්තනයන් සිදු කිරීමට අවශ්‍ය නොවන අතර උප්පැන්න සහතිකයේ කවර හෝ සංශෝධනයක් සිදු කළ විට එම තොරතුරු දත්ත පද්ධතියේ යාවත්කාලීන වේ.

එමෙන්ම මෙම ඩිජිටල් ජාතික උප්පැන්නය රජයේ අනෙකුත් ආයතන සමඟ විශේෂයෙන් පුද්ගලයින් ලියාපදිංචි කිරීමේ දෙපාර්තමේන්තුව, ආගමන හා විගමණ දෙපාර්තමේන්තුව, විදේශ කටයුතු අමාත්‍යංශය, සෞඛ්‍ය අමාත්‍යංශය, අධිකරණ අමාත්‍යංශය, විශ්‍රාම වැටුප් දෙපාර්තමේන්තුව, ජන හා සංඛ්‍යා ලේඛන දෙපාර්තමේන්තුව, අධ්‍යාපන අමාත්‍යංශය වැනි ආයතන සමඟ තොරතුරු හුවමාරු කර ගත හැකි ලෙස මනාව සම්බන්ධ කර ඇත.

හම්බන්තොට ප්‍රාදේශීය ලේකම් කොට්ඨාශයේ විශේෂ අවශ්‍යතා සහිත  පුද්ගලයන් හා ජ්‍යෙෂ්ඨ පුරවැසියන් සදහා වූ අවුරුදු උත්සවය, හම්බන්තොට ප්‍රාදේශිය ලේකම් ජී.සී.ආර්. විජෙවර්ධන මහත්මියගේ ප්‍රධානත්වයෙන් හා  පලාත් සමාජ සුබසාධන, පරිවාස හා ළමා රක්ෂණ සේවා දෙපාර්තමේන්තුවේ අනුගහයෙන් 2025.04.24 දින හම්බන්තොට ප්‍රාදේශීය ලේකම් කාර්යාල පරීශ්‍රයේදී පවත්වන ලදි.