Divisional Secretariat - Hambantota

උරුමය වැඩ සටහන යටතේ හම්බන්තොට ප්‍රාදේශීය ලේකම් කොට්ඨාසයේ සිසිලසගම, මානජ්ජාව හා ගොඩවාය යන ග්‍රාම නිලධාරී වසම් වල ක්ෂේත්‍ර පරීක්ෂණයන් සිදු කොට හදුනාගත් බලපත්‍ර හා දීමනාපත්‍ර ලාභීන් සදහා නිදහස් දීමනාපත්‍ර සකස් කිරීමට අදාලව ලේඛන බාර ගැනීමේ වැඩසටහනක්  හම්බන්තොට ප්‍රාදේශීය ලේකම්තුමිය ගේ ප්‍රධානත්වයෙන්, හම්බන්තොට සහකාර ඉඩම් කොමසාරිස් කාර්යාලයේ නිලධාරීන්ගේ සහ ප්‍රාදේශීය ලේකම් කාර්‍යාලයේ ඉඩම් අංශයේ  නිලධාරීන්ගේ සහභාගීත්වයෙන් 2024/05/22 දින හම්බන්තොට ප්‍රාදේශීය ලේකම් කාර්යාල ශ්‍රවණාගාරයේදී පවත්වන ලදි. 

මෙම වැඩසටහන සදහා බලපත්‍ර /දීමනාපත්‍ර ලාභීන් 200 කට ආසන්න ප්‍රමාණයක් සහභාගීවූ අතර මෙම වැඩසටහන සාර්ථකව පැවැත්වීමට සහය දුන් හම්බන්තොට සහකාර ඉඩම් කොමසාරිස් කාර්යාලයේ නිලධාරීන් සහ ප්‍රාදේශීය ලේකම් කාර්යාලයේ ඉඩම් අංශයේ නිලධාරීන් වෙත තුති පුදමි !

සින්නක්කර ඔප්පු ලබාදීමේ ජාතික වැඩසටහන

හම්බන්තොට ප්‍රාදේශීය ලේකම් ජී.සී.ආර්.විජේවර්ධන මහත්මියගේ ප්‍රධානත්වයෙන්, ප්‍රාදේශීය ලේකම් කොට්ඨාශයේ කුඩා හා මාධ්‍ය පරිමාන ව්‍යවසායකයන්ගෙ අත්කම් නිශ්පාදන අපනයන වෙලදපොලට ගැලපෙන ආකාරයෙන් නිශ්පාදනය කිරිමට අවශ්‍ය තාක්ෂණික දනුම ලබා දිම හා නිශ්පාදන  මිලදි ගැනිම 2024-05-06 දින ලක් ආකේඩ් ආයතනය සහභාගිත්වයෙන් හම්බන්තොට ප්‍රාදේශීය ලේකම් කාර්යාලයේදී සිදු කරන ලදී.

ඒ සඳහා ලක් ආකේඩ් ආයතනයේ උපදේශක ධම්මික ජයවර්ධන මහතා හා එම ආයතනයේ තත්ත්ව පරීක්ෂක නිලධාරීන් තිදෙනකුගේ සහභාගිත්වයෙන් හා ව්‍යවසාය සංවර්ධන නිලධාරී, ව්‍යාපාර නාම ලියාපදිංචි කිරීමේ නිලධාරි, අපනයන සංවර්ධන නිලධාරී, කුඩා ව්‍යාපාර සංවර්ධන නිලධාරීන් සහ කොට්ඨාසයේ ව්‍යවසායකයින් සම්බන්ධ විය.

එදිනම, ලක් ආකේඩ් ආයතනය මගින් රුපියල් 85000 ක භාණ්ඩ ව්‍යවසායකයින්ගෙන් මිලදී ගැනීමද සිදුවිය.

හම්බන්තොට ප්‍රාදේශීය ලේකම් කාර්යාලය හා දකුණු පළාත් ආයුර්වේද දෙපාර්තමේන්තුව එක්ව 2024.03.19 දින පවත්වන ලද සංගීත චිකිත්සක වැඩසටහන ප්‍රාදේශීය ලේකම් කාර්යාලීය ශ්‍රවණාගාරයේ දී උත්කර්ෂවත් අන්දමින් පැවැත්විණි.

මෙම අවස්ථාව සඳහා හම්බන්තොට ප්‍රාදේශීය ලේකම්තුමිය, සහකාර ප්‍රාදේශීය ලේකම්තුමා, පරිපාලන නිලධාරීතුමිය, පරිපාලන ග්‍රාම නිලධාරීතුමා ඇතුළු කාර්යාලීය නිලධාරීන් හා සංස්කෘතික බල මණ්ඩලය, දහම් පාසල් ආචාර්ය මණ්ඩලය, ආයුර්වේද සංස්කෘතික සභාව හා දකුණු පළාත් ආයුර්වේද දෙපාර්තමේන්තුවේ නිලධාරීන් සම්බන්ධ විය.