ප්‍රාදේශීය ලේකම් කාර්යාලය - හම්බන්තොට

ප්‍රාදේශීය ලේකම් කාර්යාලයේ 2025 වර්ෂයේ රාජ්‍ය නිලධාරීන් රාජකාරි ආරම්භ කිරීම 2025.01.01 දින ආගමික වතාවත් වලට මුල් තැනක් දෙමින් සිදු කෙරිණි.

මෙහිදී රාජ්‍ය සේවයේ ප්‍රතිඥාව ලබාදීම සියලු  නිලධාරීන් විසින් සිදුකළ අතර ප්‍රාදේශීය ලේකම් ජී.සී.ආර්. විජේවර්ධන මහත්මිය විසින් නව වසර තුල අත්පත් කරගත යුතු ඉලක්ක හා අරමුණු පිළිබඳ පැහැදිලි කෙරුණු දේශනයකින් මෙම කෙටි උත්සව අවස්ථාව අවසන් කෙරිණී.

සෞඛ්‍ය අමාත්‍යංශයේ  දේශීය වෛද්‍ය  අංශය, හම්බන්තොට ප්‍රාදේශීය ලේකම් කාර්යාලය, ප්‍රජා සෞඛ්‍ය වෛද්‍ය ඒකකය හා හම්බන්තොට ආයුර්වේද සංරක්ෂණ සභාව එක්ව සංවිධානය කරන ලද දේශීය ආහාර ප්‍රවර්ධනය හා වෙළෙඳ ප්‍රදර්ශනය 2024 නොවැම්බර් මස 20 වන දින සාර්ථකව පවත්වන ලදී.

මේ සදහා හම්බන්තොට දිස්ත්‍රික් ලේකම් තුමා, හම්බන්තොට ප්‍රාදේශීය ලේකම්තුමිය, සහකාර ප්‍රාදේශීය ලේකම් තුමන්, පරිපාලන නිලධාරී තුමිය, දකුණු පළාත් ආයුර්වේද කොමසාරිස් තුමිය ඇතුළු දකුණු පළාත් ආයුර්වේද දෙපාර්තමේන්තු නිලධාරින්, හම්බන්තොට දිස්ත්‍රික්කයේ ප්‍රජා සෞඛ්‍ය වෛද්‍ය නිලධාරීන්, හම්බන්තොට සහ වීරකැටිය ආයුර්වේද සංරක්ෂණ සභා පාරම්පරික වෛද්‍යවරුන් හා හම්බන්තොට දිස්ත්‍රික්‌ දේශීය වෛද්‍ය අංශයේ සංවර්ධන නිලධාරින් සහභාගී විය. මෙම ප්‍රදර්ශනය නැරඹීම  සදහා පාසල් දරු දැරියන්, පෙරපාසල් දරු දැරියන්, කාර්යාල නිලධාරින්  හා ප්‍රජාව සහභාගී විය.

සෞඛ්‍ය අමාත්‍යාංශයේ දේශීය වෛද්‍ය අංශය මගින්  හම්බන්තොට ප්‍රාදේශීය ලේකම් කාර්යාලය වෙත ලබාදුන් ප්‍රතිපාදන මත පාරම්පරික ආහාර වට්ටෝරු හා ආහාර සංස්කරණ ක්‍රම හදුන්වාදීමේ වැඩසටහන් 03 ක් පෙර පාසල් දරුවන්ගේ දෙමාපියන් සඳහා‌ පවත්වන ලදි.

• 2024. 12.05 වන දින සමොදාගම පුංචි සමනල පෙර පාසල
• 2024.12.10 වන දින හම්බන්තොට බටහිර ශ්‍රී ගුණාන්ද පෙර පාසල
• 2024.12. 12 වන දින ගොඩාවාය පෙර පාසල

මෙහිදී කුරක්කන් පීසා හා පෝෂණීය කැඳ පිළියෙල කරන ලද අතර එම ආහාර පෙර පාසල් දරුවන්ට, පෙර පාසල් ගුරුවරුන්ට හා දෙමාපියට පිළිගන්වන ලදි. තවද මෙහිදී පෙර පාසල් දරුවන්ගේ දෙමාපියන් සදහා දැනුවත් කිරීමේ වැඩසටහනක්‌ ද පවත්වන ලදී.

මෙම වැඩසටහන් සඳහා  හම්බන්තොට ප්‍රජා සෞඛ්‍ය වෛද්‍ය නිලධාරිනී චතුරානි සමරසේකර මහත්මිය, දේශීය වෛද්‍ය සංවර්දන නිලදාරී තුමිය, බෞද්ධ කටයුතු සංවර්ධන  නිලධාරින් දෙපළ, සංස්කෘතික සංවර්දන නිලදාරීන් දෙපළ, සමොදාගම හා ගොඩවාය ආර්ථික සංවර්ධන නිලධාරි තුමිය ද  සහභාගී වන ලදී.

සංස්කෘතික කටයුතු දෙපාර්තමේන්තුව, දකුණු පලාත් සංස්කෘතික අමාත්‍යාංශය හා සංස්කෘතික බලමණ්ඩලය එක්ව හම්බන්තොට ප්‍රාදේශීය ලේකම් කාර්යාලය 2024.10.16 වන දින ප්‍රාදේශීය සාහිත්‍ය කලා උලෙළ හා දමිළ කලා උලෙළ ප්‍රාදේශීය ලේකම් කාර්යාල ශ්‍රවණාගාරයේදී උත්කර්ෂවත් අන්දමින් පවත්වන ලදී.

මේ සදහා අතිරේක දිස්ත්‍රික් ලේකම්(පාලන) - එම්.කේ.ඒ. අංජලා අමාලි මහත්මිය, අතිරේක දිස්ත්‍රික් ලේකම්(ඉඩම්) - ඩබ්.සි.ඒස්.කේ. රත්නායක මහතා, ප්‍රාදේශීය ලේකම් - ජී.සී.ආර්. විජේවර්ධන මහත්මිය, සහකාර ප්‍රාදේශීය ලේකම් - ඩී. නිශාන්ත ඉන්දික මහතා ඇතුළු සම්භාවනීය අමුත්තන්, කලායතන, පාසල්, දහම් පාසල් නියෝජනය කරමින් ගුරු මහත්ම මහත්මීන්, දුවා දරුවන්, කලාකරුවන්, දෙමාපියන් විශාල ප්‍රමාණයක් සහභාගි වූ අතර තරග ජයග්‍රහණය කරන ලද ජයග්‍රාහක ජයග්‍රාහිකාවන්ට ත්‍යාග සහතික හා සම්මාන ප්‍රදානය  කරන ලදී. 

මෙම වැඩසටහන සාහිත්‍ය දේශන, නර්තන, ගායන, කාව්‍ය, නාට්‍ය ආදී අංගයන්ගෙන් විචිත්‍රවත් විය.